Нова алатка на Google против зависноста од смартфоните

Ние сме веќе зависни од нашите смартфони, кој повеќе, кој помалку. Таму имаме лични податоци, контакти, фотографии, различни картички, м-банкарство, различни белешки и потсетници. Смартфонот ни е за забава, но и пријател што нема никој друг во близина.

Не е чудно што пвоеќе луѓе страдаат од номофобија, страв од губење на смартфонот. Google е свесен за тоа, затоа развил алатка што може да помогне за контролирање на зависноста - Focus Mode. Новата алатка е достапна за Android Beta, а ќе стане достапна со Android 10. Идејата е со вклучениот Focus Modе, да се блокираат сите апликации што им пречат на корисниците, кои истите може сами да ги избираат.