Кои се смарт решенијата за да го дигитализираме Скопје

Зошто се современите смарт градови? Општо, за подобар квалитет во живеењето, за поголема безбедност, подобрена инфраструктура и оптимизирањето на ресурсите, а пред се, зачувувањето на здравата животна средина. Голем проблем на современите метрополи е отстранувањето на загадениот воздух и управувањето со отпадот. 

Како делумно решение во моментот од страна на Македонски Телеком е смарт мерењето на вода, струја, смарт осветлување, смарт паркинг. Копенхаген веќе има смарт улично осветлување со Cloud систем за полесно управување. Целта е да се вклучат сензорите кога ќе детектираат движење, што значи дека на тој начин ќе се намалат сообраќајните несреќи и криминалот, а истовремено и ќе се штеди во потрошувачката на електрична енергија.

Многу важно е во градовите да има смарт корпи, кои покажуваат до колку проценти се полни, колкава е температурата внатре и колкава е тежината. Сето тоа не прави посвесни и поодговорни како граѓани со цел да се грижиме за здравата животна средина, односно да не ги преполнуваме корпите за отпадоци и да го сортираме отпадокот. Во Скопје веќе има иницијативи за да се трансформира во смарт град и никогаш не е доцна и можеме да го реализираме, само доколку сите сакаме.