Xiaomi Mi Watch е најевтиниот конкурент на Apple Watch
Xiaomi го претстави својот прв смарт часовник од високата класа кој инаку е и најевтиниот конкурент на Apple Watch бидејќи има премиум дизајн, а многу ниска цена од околу 200 евра.
Xiaomi Mi Watch доаѓа со 1,7 инчен AMOLED дисплеј кој може постојано да биде активен, се поврзува преку NFC, Bluetooth, Wi-FI и има поддршка за е-СИМ, па така може целосно самостојно да функционира без потреба постојано да биде поврзан со смартфон за телефонски функции.
Xiaomi Mi Watch работи со MiUi интерфејсот кој е надограден на Wear OS специјализираниот софтвер на Google за смарт часовници, располага со 40 посебни апликации и целосно нова продавница за апликации која допрва ќе се збогатува со нови содржини.
Исто така Xiaomi Mi Watch има квалитетен хардвер со Snapdragon Wear 3100 4G процесор, 1 GB RAM и8GB меморија, додека пак батеријата има огромен капацитет од 570 mAh и со едно полнење може да работи повеќе денови.
