Продажбата на Huawei Watch GT 2 во Северна Македонија започна со летечки старт

Објавено на 15.11.2019 во Новости



Продажбата на Huawei Watch GT 2 во Северна Македонија започна со летечки старт

Новата  46мм верзија на Watch GT на Huawei стана достапна и во Северна Македонија и истата се нуди со два дизајни – целосно црн и класичен со кафеав ремен од еко-кожа. Новиот модел е со силно надградени технички карактеристики и одлики на веќе познатите Huawei Watch GT и истиот се продава по исклучително привлечна препорачана цена за крајниот корисник од 13.999 денари. Новата верзија може да се најде во малопродажните ланци на Нептун и Сетек- Сѐ од Техника.

За прв пат во Северна Македонија, Huawei воведе и 42мм женска верзија на Watch GT 2 која може да се најде во исклучително елегантна верзија на „рафинирано злато“ и класична - со еко кожа во топла беж боја. Продажбата на класичната женска верзија ќе започне во декември, по предложена цена од 12.999 денари.

Huawei Watch GT 2 е базиран на првиот специјализиран чипсет на компанијата - Kirin А1. Чипот работи со многу мала потрошувачка на енергија и дава непобедливо траење на батеријата - 2 недели за машкиот и 1 недела за женскиот модел при нормална употреба. Новиот HUAWEI WATCH GT 2 е сигурен партнер во 15 спортови, вклучително и осум на отворено - трчање, одење, качување, планинарење, возење велосипед, пливање на отворено, триатлон и за седум во затворени простории - одење, трчање, возење велосипед, затворено пливање, слободни тренинзи, крос симулатор и машина за веслање. Поддржува сателитски системи GPS и GLONASS, што е гаранција за правилно позиционирање за време на тренингот и правилно мерење на растојанието.

Клучно за паметниот часовник е функцијата HUAWEI TruSeen за точно и ефикасно мерење на срцевата фреквенција. Во комбинација со исклучителниот паметен алгоритам, функцијата го следи отчукувањата на срцето во текот на денот, дури и за време на спиењето и обезбедува вредни предупредувања при откривање на атипични вредности на кои препорачува да се обрне внимание. Часовникот е исто така вреден партнер во следењето на нивото на стрес и квалитетот на спиењето - две работи кои се исклучително важни и за обновување на телото по спорт и напорен работен ден.

Сосема ново за моделот е присуството на вградена меморија за чување и репродукција на музика директно од часовникот, далеку од паметниот телефон. Верзијата од 46мм која е сега е на продажба, има вграден микрофон и звучник и поддржува Bluetooth повик.

И двата модели се со софистициран дизајн на 3D стакло што ги прави и вреден асистент во модерниот животен стил и стилски додаток во различни сценарија - спортски, деловни или при гламурозни забави. Екстремно лесниот механизам за промена на ременот овозможува намена во различни ситуации, при што верзијата од 46мм е исто така компатибилна со претходните отстранливи ремени на часовникот Watch во портокалова и зелена боја.

###

За Huawei Consumer Business Group

Производите и услугите на Huawei се достапни во повеќе од 170 земји и ги користат 1/3 од светското население. Компанијата има 14 истражувачки центри во САД, Германија, Шведска, Русија, Индија и Кина. Huawei Consumer BG е една од трите деловни единици на компанијата и е активна во областа на мобилни телефони, компјутери и таблети, преносни и софтверски уреди и сл. Глобалната мрежа на Huawei е изградена со скоро 30 години искуство во телекомуникациската индустрија, а целта е да се испорачаат најновите технолошки иновации на потрошувачите ширум светот. 

За повеќе информации: https://consumer.huawei.com/mk/
За најновите информации во врска со Huawei Consumer Business Group, следете нè на:
Facebook:  facebook.com/HuaweimobileMK/
Twitter: twitter.com/huaweimobilemk