Samsung ќе вгради ултра-тенко стакло во екранот на Galaxy Fold 2

Типстерот Ice universe (@UniverseIce) открива интересни вести за идниот Samsung Galaxy Fold 2. Преклопниот смартфон ќе користи ултра-тенко стакло што ќе го покрие пластичниот екран, со што екранот на Galaxy Fold 2 ќе изгледа поблескаво и мазно. 

Истиот тврди дека ова е „коректниот материјал за преклопните телефони“. Минатиот месец, Samsung наводно се согласи за ексклузивен долгорочен договор со компанијата DoInsys за своето ултра-тенко стакло. LetsGo Digital исто така откри претходно дека Samsung побарал дозвола за три трговски марки од Канцеларијата за интелектуална сопственост на Европската Унија (EUIPO) - 'Samsung Ultra Thin Glass,' 'Samsung UTG', и 'UTG.' Се очекува Samsung Galaxy Fold 2 да биде откриен заедно со новиот Galaxy S11 на 18 февруари.