Samsung ги откри бројките за продажбата на Galaxy Fold

Samsung Mobile излезе со конечни и официјални бројки за досегашната продажба на смартфонот на преклоп со двоен екран Samsung Galaxy Fold за кој претходно погрешно беше пренесено дека се продал во 1 милион примероци.

DJ Koh главниот извршен директор на Samsung за време на настап на CES посочи дека Samsung Galaxy Fold досега го купиле околу половина милион корисници освојувајќи повеќе пазари во Азија пред се.

Ова е одлична бројка за уред кој најпрво чини околу 2000 долари, а како второ станува збор за прв ваков експериментален уред за ограничен број на корисници.

Веќе Samsung Galaxy Fold 2 кој ќе биде претставен на 11 февруари се очекува да има цена од 1000 долари и многу поефикасен механизам на склопување.