Новата Galaxy S20 серија на Samsung целосно спремна за 5G мрежата
На посебниот Unpacked настан што се одвива во Сан Франциско, Samsung синоќа ги претстави новите премиум уреди од Galaxy S серијата - S20, S20+ и S20 Ultra, за кого претходно пишувавме. Секој уред од Galaxy S20 серијата - Galaxy S20, Galaxy S20+ и Galaxy S20 Ultra - доаѓаат со најновата 5G технологија и Galaxy S20 го претстави новиот систем на камерата со AI-технологија и најголемиот сензор за одлична камера.
„Со влегувањето во новата деценија, 5G целосно ќе го промени начинот на кој комуницираме и го доживуваме светот околу нас. За прв пат целата Galaxy S20 серија доаѓа со можност за 5G поврзување“, изјави Тае Мун Роу, претседател и извршен директор за ИТ и мобилни комуникации во Samsung Electronics.
Galaxy S20 серијата ги претставува новите можности на камерата, која ја комбинира вештачката интелигенција со најголем Samsung сензор и фасцинантен квалитет на фотографиите. Galaxy S20 серијата така овозможува поедноставно и напредно искуство од секојдневното користење на смартфоните, од персонализиран избор на музика, оптимизација при репродукција на виде записите и играњето на видео игри.