HMD Global ја претстави првата 5G Nokiа, со своја роаминг дата услуга

Објавено на 20.03.2020 во Новости



HMD Global ја претстави првата 5G Nokiа, со своја роаминг дата услуга

HMD Global претстави три нови Nokia смартфони, новиот член на Originals фамилијата и  својата едноставна услуга за роаминг на податоци. Nokia 8.3 5G е првиот 5G Nokia смартфон, заедно со Nokia 5.3 и Nokia 1.3, како и најновиот член во Originals фамилијата, Nokia 5310. 

Интересна е новата услуга тука - HMD Connect Global Data Roaming, иновативна и едноставна услуга што овозможува роаминг во 120 земји во светот. 

„Многу сум горд на иновациите што ги претставивме денес, а темелите на нашето уникатно определување е да се обезбедиме дека користењето на Nokia смартфони со текот на времето биде се подобро. Денес почнуваме ново поглавје за HMD Global со 5G со глобален смартфон, спремен за иднината. Во комбинација со HMD Connect креираме беспрекорно доживување во поглед на поврзувањето“, истканува Флоријан Сеш, извршниот директор на HMD Global.

Со помош на Qualcomm Snapdragon 765G платформата креиран е 5G Nokia смартфонот, дизајниран да ги земе во предвид трошоците, употребливоста во иднина. Nokia 8.3 5G е првиот смартфон со преден модул на Qualcomm 5G RF, како дел од својата модуларна платформа на Qualcomm, Nokia 8.3 5G ќе има над 40 различни RF компоненти во еден модул, што го прави смартфон спремен за иднината и следниот чекор во 5G.

Nokia 8.3 5G доаѓа со моќната четворна PureView камера со ZEISS оптика и ZEISS Cinema снимање и уредување на брилијантни видеа при слабо осветлување со OZO звук. Nokia 8.3 5G глобално ќе биде достапен од летото 2020 година. Го има во Polar Night боја за цена од 599 евра за 6GB/64GB и 649 евра за 8GB/128GB меморија.

Автор: Aleksandar Stankov