Не е до интернетот, Instagram и Facebook го намалија квалитетот на видеата

Facebook и Instagram, двете социјални мрежи кои се во сопственост на Марк Цукерберг, ги послушаа препораките на Европската Комисија, и во период на карантин и самоизолација го ограничија квалитетот на HD видеата на европско тло.

„За да помогнеме во олеснување на потенцијалниот мрежен метеж, ние привремено ќе ги намалиме битските стапки за видеата на Facebook и Instagram во Европа. Ние сме посветени да работиме со нашите партнери за управување со какви било ограничувања на опсегот во текот на овој период на голема побарувачка, истовремено обезбедувајќи дека луѓето се во можност да останат поврзани со користење на апликации и услуги на Facebook за време на пандемијата со COVID-19“, истакнаа од компанијата. 

Со цел да не дојде до преоптоварување на интернет серверите, Facebook и Instagram ќе понудат видеа на нивните мрежи во стандардна висока резолуција која не ги надминува капацитетите, а со тоа нема да доведе и до непотребно трошење на ресурси во период на глобална криза со пандемијата на корона вирусот.