Skype го напаѓа Zoom со Meet Now за деловни видео конференции

Претходно пишувавме детално за владеењето на Zoom, кој за многу кратко време се издигна на пазарот со доминантна позиција за деловно поврзување и видео повици. Zoom овозможи видео повици бесплатно до 40 минути, со 100 корисници максимално. 

Имате опција за промена на позадината, со цел да не мора да се гледа што имате позади. Сега Skype излегува со нова Meet Now функција. Со Meet Now може да се одржуваат конференциски повици, со тоа што корисниците се приклучуваат само на линкот што ќе го генерира вашата апликација. Не мора да се мачите да внесувате кодови. Microsoft соопштува дека видео повикот нема ограничен временски рок и да го користите колку сакате.

Introducing a simple, hassle-free way to connect with the important people in your life on #Skype, no sign-ups or downloads required. Learn about Meet Now: https://t.co/yOw6oBlFxx

— Skype (@Skype) April 3, 2020

Skype има опции за снимање на разговорот и снимките до 30 дена, кои може подоцна да ги прегледувате. Имате и опција за потемнување на позадината пред да почне разговорот, што е од голема полза за оние што се со деца дома.