Наскоро доаѓа поевтиниот Xiaomi Mi Note 10 Lite

Xiaomi планира наскоро да лансира уште еден квалитетен смартфон во премиум класата кој ќе има пониска цена од основниот и главен модел, но ќе понуди доста атрактивен хардвер.

Станува збор за новиот модел Xiaomi Mi Note 10 Lite со 6.47 инчен FullHD+ AMOLED дисплеј, ќе работи со осум-јадрен Snapdragon 730G процесор со поддршка за 5G мобилна конекција, ќе располага со огромна батерија со капацитет од 5,260 mAh и брзо полнење од 30W.

За Xiaomi Mi Note 10 Lite е познато и дека ќе има главна камера на задната страна со пет сензори од кои еден со 64 мегапиксели, два по 8 мегапиксели, еден со 5 мегапиксели и еден сензор од 2 мегапиксели.