Visa го поддржува зголемувањето на бесконтактните трансакции без ПИН до 2.500 денари

Скопје – 13 април 2020 — Visa денес најави дека го поддржува зголемувањето на лимитот кај Card Verification Method до 2.500 денари во Македонија, дозволувајќи им на потрошувачите да плаќаат едноставно со опцијата приближи-и-плати (tap-to-pay), со нивната бесконтактна картичка, при плаќање на поголеми износи. Зголемениот лимит без ПИН е зголемен за 25% од претходниот износ од 2.000 денари, со што на македонските потрошувачи им е овозможена уште поголема погодност за повеќе секојдневни трансакции.

Бесконтактната технологија го обезбедува најбрзиот, најповолниот и најбезбедниот начин на плаќање и за потрошувачите и за трговците, овозможувајќи едноставни приближи-и-плати плаќања. Со повеќе од 40% од трансакциите во Македонија[1], веќе направени со бесконтактно плаќање, зголемувањето ќе продолжи да го подобрува искуството при купување кај потрошувачите.

„Кога потрошувачите плаќаат бесконтактно со опцијата приближи-и-плати (tap-to-pay), тие го сакаат непреченото, брзо и безбедно искуство, а и знаеме дека луѓето сакаат да го користат бесконтактното плаќање при купување повеќе од било кога,” изјави Владимир Ѓорѓевиќ, генерален директор на компанијата Visa за југоисточна Европа. „Отсекогаш сме биле посветени на воведување на иновации и овозможување на најдобриот начин на плаќање на нашите потрошувачи и трговци, а со нетрпение очекуваме да го поддржиме растот на технологијата за бесконтактно плаќање со големо ниво на безбедност уште повеќе, со зголемување на лимитот за плаќање во Македонија.“

Visa ја цени поддршката на владите, како и на опсежната платежна индустрија, за овозможување лимитот да се зголеми. Сега ќе се соработува со трговците на мало и со партнерите за финансиските услуги, за да се спроведат потребните технички промени на продажните места. 

Покрај овие погодности, Visa услугата за лесно плаќање овозможува исклучителна заштита и безбедност при употреба на бесконтактни картички. Бесконтактните картички имаат ист EMV сигурносен чип како и контактни картици, а секоја трансакција вклучува единствен еднократен код, што оневозможува информациите да се користат за фалсификување на картички.

# # #

За компанијата Visa Inc.

Компанијата Visa Inc. е лидер во светот на дигиталните плаќања. Нашата мисија е да го поврземе светот преку најиновативната, најсигурната и безбедна платежна мрежа – овозможувајќи им на поединците, деловните субјекти и економиите да напредуваат. Нашата глобална напредна мрежа за обработка, VisaNet, овозможува безбедни и сигурни плаќања низ целиот свет и е способна да управува со повеќе од 65.000 трансакциски пораки во секунда. Фокусот на компанијата кон упорност за иновации е катализатор за брзиот раст на дигиталната трговија на било кој уред, за секого, насекаде. Како што светот се движи од аналогно кон дигитално, Visa го применува нашиот бренд, производи, луѓе, мрежа и обем за да ја преобликува иднината на трговијата.

За повеќе информации посетете ја About Visa, visa.com/blog и @VisaNews.