Се гаси Google Play Music, префрлете се на YouTube Music
Објавено на 13.05.2020 во Новости
Google целосно ќе го укине стандардниот сервис за слушање музика Play Music кој е дел од системските апликации на Android и понатаму како примарен сервис за управување со музичките содржини ќе се користи YouTube Music.
Затоа корисниците на следниот линк ќе треба да ги префрлат сите претходни фајлови кои ги имаат складирано на Play Music, без оглед дали се купени или копирани. Исто така на новата апликација ќе се преземат сите податоци за профилот на корисникот. Доколку тој веќе бил претплатник на Play Music ќе добие соодветен пакет на претплата на YouTube Music или YouTube Premium.
Корисниците кои не се претплатени на ниту еден сервис ќе може да ја користат бесплатната верзија на YouTube Music, но истата има реклами и одредени ограничувања.
Текстот не смее да се печати или емитува, во целина или во делови без договор со Telefoni.mk.