Естонија ќе ги заштитува луѓето со дигитален имунолошки пасош

Првиот дигитален имунолошки пасош во светот се тестира моментално во Естонија. Пасошот е креиран од глобалните технолошки стартапи Transferwise и Bolt, за да може луѓето безбедно да се вратат на работа после карантин.

„Дигиталниот имунолошки пасош има цел да го намали стравот кај луѓето и да ги поттикне општествата низ цел свет да продолжат нормално со своите животи во ова време на коронавирус“, соопштува Тавет Хинрикус, основачот на Transferwise.

Дигиталниот имунолошки пасош претставува збир од податоци од тестирања, кои подоцна се споделуваат со други луѓе. На тој начин се споделуваат податоците со работодавaчите со помош на привремен QR код, кој се генерира после секоја дигитална автентикација.