Новиот Microsoft Edge веќе е достапен за Windows 10

Објавено на 04.06.2020 во Новости



Новиот Microsoft Edge веќе е достапен за Windows 10

Microsoft во новата надградба за декстоп верзијата на оперативниот систем Windows 10 ја започна доставата на обновениот интернет прелистувач Microsoft Edge.

Поучен од грешките во минатото новата верзија на Microsoft Edge се базира на отворениот код на Chromium кој Google го користи за развој на Chrome прелистувачот. Затоа се очекува Microsoft Edge да биде многу побрз, поефикасен и подобро да се интегрира со сите функции на Windows 10. 

Интересно е што Microsoft Edge може да ги инсталира сите екстензии кои се достапни и за Google Chrome па така корисниците ќе имаат бројни функционалности вградени во интернет прелистувачот без да зависат од понудата на Microsoft Store.