Samsung ќе има нов флексибилен смартфон што се превиткува во две насоки

Samsung веќе работи на наследниците на своите флексибилни мобилни телефони Fold и Z Flip. Новиот патент веќе излезе во јавноста, кој би требало да биде уште пофлексибилен и ќе се витка на двете страни истовремено.

Дизајнот на патентот се појави на крајот на мај на американската канцеларија за патенти (USPTO) и светската канцеларија за интелектуална сопственост (WIPO). Според тие информации новиот модел на Samsung ќе може да извиткува горен дел од екранот кон предната страна, а долниот кон назад. Со други зборови, тоа ќе биде првиот смартфон со можност за двојно превиткување.