Lenovo претстави VR очила и слушалки за бизнис корисници
Lenovo претстави ново решение за виртуелна реалност (VR) наменето за бизнис корисници - Lenovo Mirage VR S3 headset со ThinkReality спецификацијата. Се работи за Lenovo Mirage VR S3 комбинација на слушалки и очила, развиен во соработка со Pico Interactive.
Специјално е замислен за деловно користење - 4K екран за појасен визуелен приказ, hands-free контроли за користење без или со испорачан контролер и хигиенска плоча за лице што лесно се чисти и погодно е за масовна употреба. Новите VR слушалки се робусни, лесни и доаѓаат со интегриран звук и овозможено е до три часа траење на батеријата.
Mirage VR S3 е уред со софтверот ThinkReality, кој овозможува одлични алатки за бизнисмени, деловна интеграција и робусен IT портал што служи за управување со сите кориснички апликации и уреди. Како што истакнуваат од Lenovo, компаниите користат виртуелна реалност за зајакнување на новите генерации на вработени.