Razer лансира универзален гејминг контролер за Android телефони
За гејмерски додатоци Razer ги покрива сите аспекти за добро корисничко гејмерско искуство: тастатури, глувчиња, слушалки и контролери. Овој пат Razer ги таргетира Android корисниците што сакаат да играат игри на нивните смартфони.
Новиот Razer Kishi е универзален гејминг контролер за компатибилни Android уреди. Овој додаток беше откриен уште од CES 2020 во јануари, па дури зема и две награди Best of CES. Контролерот ветува висока прецизност и поседува мултифункционални копчиња.
Kishi е компатибилен со: Samsung Galaxy S8/S8+, Galaxy S9/S9+, Galaxy S10/S10+, Galaxy S20/S20+, Galaxy Note 8, Galaxy Note 9, Galaxy Note 10/Note 10+, Google Pixel 2/2 XL, Pixel 3/3XL, Pixel 4/4XL, Razer Phone 1 и 2. Razer Kishi за Android моментално е достапен за цена од €90 преку Razer Store или Amazon. iPhone верзија за контролерот излегува летово.
