Poco M2 Pro официјално: Моќна задна камера со 4 сензори и Snapdragon 720G
Poco е нов бренд произлезен од Xiaomi, кој сега официјално го објави новиот модел Poco M2 Pro. Новиот смартфон располага со 6,67-инчен Full HD+ (1080 x 2400p) LCD дисплеј, Corning Gorilla Glass 5 заштита на стаклото, Qualcomm Snapdragon 720G процесор, Adreno 618G GPU, со 4GB/6GB LPDDR4X RAM меморија и 64GB/128GB UFS 2.1 внатрешна меморија.
Селфи камерата изнесува 16MP со Night Mode поддршка, додека на задната страна има четири сензори: 48MP+8MP+2MP+5MP. Батеријата има капацитет од 5000mAh, со 33W поддршка за брзо полнење.
Poco M2 Pro пристигнува во Out of the Blue, Green and Greener и Two Shades of Black варијанти на бои, и почнува со продажба од 14 јули за цена од 190 долари за основната верзија со меморија од 4GB + 64GB и 6GB + 64GB моделот за 200 долари, или пак за меморија со 6GB + 128GB е 230 долари.
