Шефот на Twitter ќе дава пари секој месец без никакви услови

Во САД се спрема нов експеримент во кој ќе учествува и првиот човек на Twitter, Џек Дорси, со три милиони долари. Проектот „Градоначалници за гарантиран приход“ ќе опфати 14 градови и 7 милиони Американци. Не е познато кога ќе почне и кој ќе учествува во експериментот. 

Претставниците на иницијативата ќе лобираат за националната пилот-програма со која на граѓаните на САД ќе им бидат гарантирани основни месечни примања. Таквите универзални гарантирани приходи би ја намалиле сиромаштијата кај луѓето, што позитивно ќе влијае врз економијата, особено во време на коронакризата.