Google спрема нов смартфон со прифатлива цена - Pixel 4a

Apple и Samsung имаат модели со прифатлива цена веќе на пазарот iPhone SE и Galaxy A51. Следниот месец би можел да се појави смартфон со добар квалитет и прифатлива цена. 

Станува збор за Google Pixel 4a, за кого се претпоставува дека ќе биде претставен на Google I/O 2020. Цената ќе биде најголемата предност на новиот Pixel - 349 долари, јасно е дека за тие пари корисниците нема да добијат најмоќен и најдобар хардвер. Под хауба ќе има Qualcomm Snapdragon 730G процесор, 6GB RAM, 128GB внатрешна меморија и 3,5мм излез за слушалки. 

Дисплејот би требало да биде со големина од 5,81 инч, а во левиот агол на екранот ќе има дупка за селфи камерата од 8MP. Од задната страна наместо 2, 3 или дури и 4 камери, Pixel 4a ќе има само една со резолуција од 12MP.