После Microsoft, уште еден технолошки гигант на лов по TikTok

Објавено на 10.08.2020 во Новости



После Microsoft, уште еден технолошки гигант на лов по TikTok

Американската администрација и се закани на кинеската компанија ByteDance и речиси ја примора да го продаде TikTok на некоја американска компанија, Microsoft беше првиот најзаинтересиран за понудата. Од компанијата на Бил Гејтс веќе и потврдија дека се во преговори за купување на компанијата.

Според неофицијални информации, уште една голема технолошка компанија влегла во преговори со TikTok. Како што јавува Wall Street Journal, во прелиминарни преговори влезе и Twitter. Изгледите дека Twitter ќе го преземе TikTok се многу мали, оти нема доволно соберен капитал. Twitter на пазарот вреди околу 29 милијарди долари, исто колку што вреди и TikTok на американскиот пазар.