Двата телеком операторa сакаат одложување на 5G поради кризата

Агенцијата за електронски комуникации спроведе јавна расправа за воведување на 5G технологија во Македонија. Двата оператора сакаат да ја одложат постапката за доделување радиофреквенции за 5G за 2021 година поради кризата.

Компанијата ЕОЛО смета дека сепак мрежата мора да се спроведе во најбрз рок. АЕК најавува дека постапката за доделување одобренија за 5G технологија започнува на крајот на 2020 година и ќе се одвива преку аукција. Така ќе се понудат поединечни одобренија. Операторите сепак не се заинтересирани за цел опсег, туку за дел од опсегот, па затоа и такви одобренија ќе се доделуваат.