iPhone телефонот ќе ви каже ако сте имале контакт со заразен
Apple има подобрена верзија на софтверот за следење на КОВИД-19 пандемијата со тоа што сега корисниците преку нивниот iPhone телефон ќе може да добиваат нотификација доколку биле во контакт со заразен.
Софтверот работи на доброволна основа и не е потребно да инсталирате никаква апликација бидејќи тракерот за корона вирусот е дел од самата надградба за iOs 13.5 оперативниот систем.
Главната идеја на КОВИД-19 тракерот е да ги добие соодветните податоци почитувајќи ја приватноста на корисниците.
Единствена цел е преку скенирање на Bluetooth на останатите мобилни уреди да следи кој бил во контакт со заразено лице со корона вирусот, за потоа да може веднаш да се тестира и да ги преземе соодветните мерки.
Овој софтвер е изработен во соработка со Google, па така истата вградена опција до крајот на месецот ќе ја имаат и корисниците на Android.