Доаѓа новиот Snapdragon 875 за 20% поефикасен и 25% помал

Претстојниот модел на процесор Qualcomm Snapdragon 875G најверојатно ќе биде достапен и во Plus варијанта, тврди ликстерот Роланд Квант. Snapdragon 875G е очигледно со кодното име SM8350, интерно познат под името Lahaina. 

Тоа што досега го знаеме е дека ќе го користи 5нм EUV процес на Samsung, при што 5нм процес на производство од Taiwan Semiconductor Manufacturing Company (TSMC) бил резервиран од Apple за A14 Bionic и други чипови. 5нм чиповите се очекува да бидат за 25% помали и 20% поефикасни во споредба со 7нм процесори. Snapdragon 875 ќе биде со Arm Cortex-X1 јадро, три Cortex-A78 јадра и четири Cortex-A55 јадра. X60 5G модемот најверојатно ќе биде вграден во самиот чип.