Huawei се брза да го лансира Mate 40 пред iPhone 12

Huawei потврди дека Mate 40 серијата ќе биде откриена на 22 октомври. Се разбира, сака да побрза додека се дига прашина за iPhone 12 , со цел да ја задржи својата позиција на пазарот.

Неделава веќе можеме да ги очекуваме најновите тизери и нацрт-скици за дизајнот на Mate 40. Новата серија ги вклучува моделите: Mate 40, Mate 40 Pro, и Mate 40 Pro Plus, кои почнуваат со продажба од 30 октомври. Mate 40 серијата ќе биде со 5нм Kirin 9000 процесор, најдобриот модел ќе биде со 6.7-инчен „водопад“ екран со 90Hz и двоен сензор на предната камера. Од задната страна ќе има четворна камера со главен сензор од 108MP. 

Батеријата ќе може да се полни со технологија за брзо полнење од 66W, а софтверот ќе биде Android 11 со EMUI 11 кориснички интерфејс.