Huawei Mate 40: Цена, дизајн на камера и софтвер

Huawei Mate 40 серијата ни е тука веќе пред врата со моделите: Mate 40, Mate 40 Pro, Mate 40 Pro Plus, и Mate 40 RS. Сите уреди ќе бидат со првиот 5нм чип на Huawei, Kirin 9000 процесор, а излегоа и цените.

Mate 40 Pro ќе чини околу €1100, Pro Plus ќе биде €1400 и RS моделот €2500. Колку за споредба, Mate 30 Pro минатата година чинеше €1,099, додека Mate 30 RS Porsche Design беше $1,945 во Кина. Стандардниот Mate 40 ќе биде со тројна камера од 50MP главен сензор, 20MP ултра-широк сензор и 12MP сензор со 5x оптички зум, како и ласерски автофокус. Се очекува да има и колор температурен сензор.

Mate 40 Pro Plus ќе биде со 50MP главна камера, 20MP ултра-широк сензор, два сензора од 8MP и сензор за ласерски автофокус, со колор температурен сензор.

RS ќе биде со слична камера како Pro Plus, но нема да има ласерски автофокус, туку Time of Flight (ToF) сензор. Pro и RS моделите ќе бидат со 90Hz дисплеј, Mate 40 Pro ќе биде со 4,400mAh батерија и 65W полнење.

Телефоните веројатно ќе се доставуваат со open-source верзија на Android 10 со Huawei Mobile Services (HMS), а следната година веројатно ќе бидат со Huawei HarmonyOS. Mate 40 серијата започнува со продажба од 30 октомври во Кина, а за Европа се уште немаме информации.