Apple TV пристигнува со Xbox конзолата следната недела
Стриминг сервисите брзо го откриваат својот пат до конзолите. Sony најави минатиот месец дека стриминг платформи ќе бидат достапни при лансирањето на PlayStation 5 конзолата, што ќе се случи на 12 ноември.
Сега имаме официјална најава и од Microsoft. Големата вест е партнерството на Microsoft со Apple. Apple TV апликацијата ќе биде достапна на Xbox One, Xbox Series X, и Xbox Series S, следната недела. Xbox корисниците ќе може да се најават на сервисот директно преку Apple TV апликацијата, за која треба да платат 5 долари месечна членарина. Како за почеток има една недела бесплатно користење на апликацијата.
Исто како и Sony, Microsoft потврди бројни стриминг сервиси што ќе бидат достапни за време на лансирањето на Xbox Series X и Series S: Netflix, Disney+, HBO Max, Spotify, YouTube, YouTube TV, Amazon Prime Video, Hulu, NBC Peacock, Vudu, Twitch, и други.
