Samsung има решение како да го најдете телефонот кога ќе го изгубите

Објавено на 06.11.2020 во Новости



Samsung има решение како да го најдете телефонот кога ќе го изгубите

На сите барем еднаш им се случило досега да го бараат својот смартфон, а најчестиот начин да го најдете е едноставно да се јавите од друг телефон. А ако е намален звукот или не е во собата каде што го барате?

SmartThings Find услугата на Samsung ќе ви овозможи брз и лесен пристап до вашиот Galaxy уред преку Bluetooth Low Energy (BLE) и ultra-wideband (UWB) технологијата, со цел да го пронајдете својот смартфон, таблет, смартчасовник и безжични слушалки. Со SmartThings Find корисниците може да го пронајдат својот изгубен уред, дури и кога е надвор од мрежата, мора само за кратко да се регистрирате и да го лоцирате. Ако уредот е надвор од мрежа 30 минути, почнува да продуцира BLE сигнал, кој може да го примаат други уреди. 

Ако го пријавите својот телефон како изгубен преку SmartThings Find, било кој Galaxy смартфон што одбрал за помош при пронаоѓање на изгубени уреди може да испрати локација до серверот на Samsung за неговата положба, а тие потоа ги известуваат корисниците.