TikTok најпреземана апликација, Google Play Store за 150% подобар од Apple

Објавено на 11.12.2020 во Новости



TikTok најпреземана апликација, Google Play Store за 150% подобар од Apple

App Store и Google Play Store го зголемија сообраќајот годинава за 25%. Корисниците потрошиле неверојатни 112 милијарди долари за апликации во 2020 година. Според извештајот на аналитичката компанија App Annie, платформата на Apple постигна учество од околу 65% во потрошувачката, Google Play Store го надмина iOS за дури 150% во однос на преземањето апликации. Порастот со преземања годинава бил за 10% поголем во споредба со 2019 година.

TikTok е прв на топ листата според бројот на преземања во текот на 2020 година, што е за 3 места погоре во споредба со 2019 година. Кинеската апликација ги надмина Facebook и WhatsApp, но, Facebook, WhatsApp, Facebook Messenger, Instagram, Twitter и Netflix се пред TikTok според бројот на активни корисници на месечно ниво.