Малиот потрошил над 16.000 долари од сметката на мама на iPad
Џесика Џонсон од САД е само уште еден од примерите со родители што им даваат телефони и таблети на децата без надзор. Apple и Google им овозможиле алатки на родителите што се со деца, со кои може да го ограничат и надгледуваат користењето на уредот.
Оние што не се придржуваат до правилата за надзор, се шокираат кога ќе ја погледнат сметката и ќе забележат дека децата им ја исцедиле сметката. Џонсон не знаела од што е празна сметката, затоа што таа не ги направила лично тие трансакции, а мислела дека станува збор за грешка или измама, па така го пријавила тоа на својата банка.
Банката ги прегледала нејзините трансакции и одговорила дека не станува збор за измама и дека тие податоци за нејзината сметка не се украдени. Имено, не се забележани никакви сомнителни активности. Кога покрај трансакцијата ја видела иконката на Sonic Games, и станало јасно дека за купувањето е виновен нејзиниот 6-годишен син. Тој потрошил над 16 илјади долари на “Sonic Forces” играта.
Се разбира, Apple не ја прифаќа вината, затоа што мајката е таа што требало да го контролира детето, а парите се веќе потрошени и употребени за целите на играта.