После Apple, и Microsoft ќе почне да прави свои процесори

Microsoft исто како и Apple развива свои чипови што се базираат на ARM архитектура што ќе ги замени досегашните Intel чипови. Сопствениот хардвер првенствено ќе биде наменет за сервери, но, се споменува дека чиповите на Microsoft би можеле да се користат и во нивните Surface компјутери.

Microsoft за прв пат ќе развива процесори сам, без соработка со партнерите. Тоа ќе биде голем удар за Intel, чиј хардвер моментално ги покренува серверите во cloud сервисот Azure. Microsoft веројатно размислува долгорочно, а тоа ќе им го овозможи сопствениот хардвер, оти при дизајнот и производството на сопствени процесори акцентот треба да се стави на специјализирани задачи, што ќе им овозможи подобра ефикасност.