Twitter целосно го блокираше Трамп од сите профили
Објавено на 09.01.2021 во Новости
Twitter влезе во војна со претседателот на заминување Доналд Трамп и ги блокираше сите профили од кои тој имаше пристап за објава на твитови.
Трамп се соочи и со блокада на профилите на Белата куќа и Канцеларијата на претседателот на САД кои ги искористи за жестоки критики кон социјалната мрежа откако неговиот профил @realdonaldtrump беше целосно суспендиран.
Од Twitter посочуваат дека објавите на Доналд Трамп се блокира поради неговите тврдења дека претседателските избори биле фалсификувани и биле украдени гласови.
Поддржувачите на Трамп упаднаа во зградата на американскиот Конгрес во обид да извршат притисок врз народните избраници да не ги потврдат изборните резултати и формално да го прогласат Бајден за иден претседател на САД.
Текстот не смее да се печати или емитува, во целина или во делови без договор со Telefoni.mk.
