Видео со распакување на Samsung Galaxy A52 5G

Објавено на 12.03.2021 во Новости



Видео со распакување на Samsung Galaxy A52 5G

Претстојниот модел Samsung Galaxy A52 5G веќе не е тајна од јавноста, особено сега, откако го распакуваше YouTuber-от Moboaesthetics и го снимаше сето тоа на видео. Новиот модел на Samsung ќе биде со 120Hz Super AMOLED дисплеј, Qualcomm Snapdragon 750G процесор, IP67 сертификат за водоотпорност и отпорност на прашина, како и четворна задна камера со 64MP главен сензор со Optical Image Stabilization (OIS), 8MP ултра-широка камера, 5MP сензор и 2MP сензор.

Селфи камерата изнесува 32MP и сензорот за отпечатоци на прсти е вграден во самиот екран. Телефонот доаѓа со полнач од 25W и 4,500mAh батерија. За полнење има кабел USB-A - USB-C, меморија што може да се зголеми преку microSD картичка, а има и 3.5мм влез за слушалки. Доаѓа со прединсталиран Android 11 и One UI 3.1.

Samsung очекува да го претстави Galaxy A52 заедно со A72 за време на Unpacked евентот што ќе се пренесува во живо на 17 март. Galaxy A52 5G ќе има LTE-верзија со Snapdragon 720G и 90Hz екран. 4G едицијата ќе биде €349, а 5G варијантата €429. Galaxy A52 пристигнува во Awesome White, Awesome Black, Awesome Blue, и Awesome Violet бои.