Буџетскиот Poco X3 Pro ќе биде претставен на 22 март со Snapdragon 860

Објавено на 16.03.2021 во Новости



Буџетскиот Poco X3 Pro ќе биде претставен на 22 март со Snapdragon 860

Под-брендот на Xiaomi, Poco, е добро познат како ценовно приватлив смартфон бренд. Poco X3 претходно пристигна со 6.67-инчен 120Hz екран, Snapdragon 732G и 5,160mAh батерија за само €175. Сега доаѓа Poco X3 Pro со новиот моќен Snapdragon 860 процесор за цена од €269, закажан за претставување на 22 март.

Дизајнот на Poco X3 Pro ќе биде сличен како Poco X3. Poco X3 Pro ќе биде со Snapdragon 860 процесор, четири задни камери, со 48MP главен сензор и ултра-широка камера, макро камера и сензор за длабочина на детали.

Батеријата е 5,160mAh со 33W брзо полнење. Доаѓа во две варијанти, поевтината верзија ќе биде со 6GB RAM + 128GB внатрешна меморија и почетна цена од €269, додека со 8GB RAM+256GB ROM меморија ќе биде €319.