Caviar ги позлати iPhone 12 Pro и Samsung Galaxy S21 Ultra

Познатите, славните и богатите обично сакаат да имаат нешто што никој друг го нема. Без оглед на цената. Руската компанија Caviar веќе стана позната по изработката на луксузните верзии на смартфони и другите уреди. 

Последни во низа се смартфоните на Apple и Samsung, кои ги претвара во вистински златни плочки. Компанијата соопшти дека во iPhone 12 Pro и Galaxy S21 Ultra вградиле 999.9% чисто 24-каратно злато. На задната страна има златна површина на местото на камерата со логото на компанијата, тежината и ознаката на лимитираната серија. Според информациите од Caviar, златниот iPhone 12 Pro чини 133.500 евра, додека златниот Samsung Galaxy S21 Ultra е 141.900 евра.