Објавени слики со следниот гејмерски смартфон на Lenovo

Објавени се слики со претстојниот гејминг смартфон на Lenovo, Legion 2 Pro. Сликите објавени од XDA Developers на Weibo, демонстрираат необичен дизајн следејќи го стилот на Lenovo Legion.

Legion 2 Pro ќе ги има сите видови на приклучоци и поп-аут камера, т.е. камера што ќе се собира и ќе излегува физички надвор. Следниот уред на Lenovo ќе биде со двоен систем за ладење. Legion 2 Pro ќе биде опремен со Snapdragon 888 процесор и огромен 6.92-инчен OLED дисплеј со 144Hz. Неговата батерија ќе биде 5,500 mAh со 90W Super Flash Charge технологија за брзо полнење. 

Главната камера на Lenovo ќе биде 64-мегапиксели главен сензор и 44-мегапиксели селфи камера. Lenovo Legion 2 Pro би требало да се откри на 8 април и ќе биде достапен во Кина сега засега, а за Европа се уште не се знае.