Mini-LED iPad Pro пристигна со 5G, моќен M1 чип и Thunderbolt порт
Apple туку што ја претстави новата iPad Pro (2021) серија со побрз M1 чип и многу додадени спецификации како што е 5G поддршката, подобра селфи камера, Thunderbolt конектор и надграден дисплеј кај 12.9-инчениот модел.
11-инчениот iPad Pro има 120Hz ProMotion LCD панел, кој беше користен во 2018, додека 12.9-инчениот е со mini-LED дисплеј и Liquid Retina XDR. Новата mini-LED технологија се поврзува со OLED, со која може да очекувате подлабока црна нијанса и поголем контраст и подобрена светлина. Компанијата тврди дека има поекстремен динамички опсег, со цел да се подобри визуелното искуство.
Голема надградба на iPad Pro таблетите се Apple M1 чипот, кој го има кај новите iMac и MacBook Pro модели. Во споредба со последниот iPad Pro, кој беше лансиран минатата година, новиот 8-јадрен процесор овозможува 50% побрзи перформанси. 8-јадрената графичка картичка овозможува за 40% подобри перформанси во споредба со A12Z Bionic.
Сето ова е во комбинација со 5G конекција, додека 5G верзиите на 11-инчениот и 12.9-инчениот iPad Pro (2021) се со поддршка за 6GHz мрежи како стандард. Внатрешната меморија изнесува 128GB, а достапни се и модели со: 256GB, 512GB, и 1TB. Има и модел со 2TB ROM + 16GB RAM.
USB-C конекторот добива надградба, со тоа што Apple го прифати Thunderbolt стандардот, што значи дека синхронизирањето со новиот iPad Pro ќе биде многу побрзо. Најважно е да се спомне дека Thunderbolt нема потреба од нов полнач. Има дополнителна поддршка за повисока резолуција за надворешни дисплеи, вклучувајќи го Pro Display XDR со целосна 6K резолуција.
Камерата е исто така подобрена до одреден степен, TrueDepth селфи камерата сега има 12MP сензор, и ја имате новата алатка Center Stage за видео повици. Center Stage е добра за пошироко видно поле на камерата и за M1 чипот со цел полесно да ги препознава корисниците за време на повици и постојано да ги држи во центарот на рамката. Тоа значи дека кога соговорникот се движи со главата, Center Stage овозможува да биде секогаш со главата во средина на рамката. Кога другите се приклучуваат во разговорите, камерата ги детектира и нив и го намалува зумирањето за да ги собере сите.
Цени, бои и дата на лансирање на iPad Pro (2021)
Преднарачките за iPad Pro (2021) серијата почнуваат следниот петок, 30 април. Таблетите пристигнуваат во две бои: вселенско сива и сребрена, а почнуваат со достава во втората половина на мај.
Цените на 11-инчениот iPad Pro (2021):
11-inch iPad Pro (128GB, Wi-Fi) — $799
11-inch iPad Pro (256GB, Wi-Fi) — $899
11-inch iPad Pro (512GB, Wi-Fi) — $1,099
11-inch iPad Pro (1TB, Wi-Fi) — $1,499
11-inch iPad Pro (2TB, Wi-Fi) — $1,899
11-inch iPad Pro (128GB, 5G) — $999
11-inch iPad Pro (256GB, 5G) — $1,099
11-inch iPad Pro (512GB, 5G) — $1,299
11-inch iPad Pro (1TB, 5G) — $1,699
11-inch iPad Pro (2TB, 5G) — $2,099
Цените на Mini-LED 12.9-инчениот iPad Pro (2021):
12.9-inch iPad Pro (128GB, Wi-Fi) — $1,099
12.9-inch iPad Pro (256GB, Wi-Fi) — $1,199
12.9-inch iPad Pro (512GB, Wi-Fi) — $1,399
12.9-inch iPad Pro (1TB, Wi-Fi) — $1,799
12.9-inch iPad Pro (2TB, Wi-Fi) — $2,199
12.9-inch iPad Pro (128GB, 5G) — $1,299
12.9-inch iPad Pro (256GB, 5G) — $1,399
12.9-inch iPad Pro (512GB, 5G) — $1,599
12.9-inch iPad Pro (1TB, 5G) — $1,999
12.9-inch iPad Pro (2TB, 5G) — $2,399