Samsung Galaxy Z Flip 3 5G би можел да чини под $1,000

Претходно пишувавме и објавивме за дизајнот на Samsung Galaxy Z Flip 3 и Galaxy Z Fold 3. Немаше никакви предикции за цената, но сега веќе имаме отприлика сума по која што можеме да се ориентираме.

Ликстерот Макс Џамбор објави пост од Twitter со кој што се тврди дека Samsung Galaxy Z Flip 3 ќе има цена од $990 до $1,199 во САД, кога ќе се лансира летово. Оригиналниот Galaxy Z Flip се продава за $1,380 во САД, а новиот Galaxy Z Flip 5G пристигна за $1,449, иако неговата цена беше намалена на $1,199.

Galaxy Z Flip 3 би можел да биде лансиран на почетокот на август. Се уште останува нејасно дали датата на објава ќе биде иста со датата на лансирање на Galaxy Z Flip 3. Се прогнозира дека 3 август ќе биде датата. Сепак, Unpacked евентот за Galaxy Z Flip 3 ќе биде во средината на јули, додека Samsung Galaxy Z Fold 3 би можел да се појави на истиот прес евент.

Samsung Galaxy Z Flip 3 се очекува да биде со Qualcomm Snapdragon 888 процесор од внатрешноста и 6.7-инчен 120Hz punch-hole дисплеј. Секундарниот 1.4-инчен екран се очекува исто така.Боите на Galaxy Z Flip 3 ќе бидат осум: виолетова, зелена, беж, сиво-црна, темно-сина, светло-розева и бела боја.