Samsung ги открива иновациите за преклопните дисплеи неделава

Објавено на 18.05.2021 во Новости



Samsung ги открива иновациите за преклопните дисплеи неделава

Samsung објави дека планира да открие неколку преклопни дисплеи за време на настанот Display Week's 2021. Евентот се одржува благодарение на World Information Display Society (SID) и ќе трае до крајот на работнава недела, до петок. Компанијата ќе има виртуелно шоу со помош на темата "Better life thru Samsung OLED."

Меѓу сите дисплеи, Samsung ќе го демонстрира S-Folder што ќе може да се преклопи два пати. Кога ќе биде целосно отворен, дисплејот го претвара уредот во таблет со 7.2-инчен екран, а кога ќе биде преклопен два пати, станува како смартфон. Од левата страна на S-Folder ќе има место за камерата.

Другиот дисплеј ќе биде 17-инчен folder со сооднос на екранот од 4:3, кој ќе биде монитор за компјутер. Кога ќе се преклопи, станува како таблет со својата компакна големина.

Samsung Slider е сличен како LG DOA со дизајнот, кој овозможува на екранот да се зголеми со хоризонтално одмотување. Дисплејот почнува да личи на типичен екран од смартфон, но продолжува да се проширува на десната страна се додека има простор за голем екран за видеа и доволен за да поддржува мултитаскинг.

Samsung ќе ја претстави и својата Under Panel Camera (UPC) со цел да ги минимизира рамките и да го зголеми екранот до максимум како лаптоп. UPC камерата ќе биде сместена под панелот на постоечките ИТ уреди.





Прочитајте повеќе: