Русија ги казни Facebook и Google со 430.000 долари

Рускиот суд ги казни технолошките гиганти Facebook и Google, затоа што не ја избришале содржината што Москва ја смета за илегална. Facebook е казнет со 354.000 долари за осум ставки, а Google треба да плати 82.000 долари. 

Google во Русија не сакал да ја коментира одлуката на судот, а Facebook исто така не одговори ништо. Обвинувањата биле за објави, кои според службите биле охрабрувачки за малолетниците да се приклучат на незаконски протести во јануари, кога демонстрантите излегле на улиците да изразат поддршка за уапсениот опозициски лидер Алексеј Навални. Twitter и TikTok беа казнети исто така претходно.