Иран забранува копање на биткоин поради проблеми со снабдување на електрична енергија
Вредноста на криптовалутите во последните неколку месеци порасна значително, што повторно привлече голем интерес кај малите и големите инвеститори. Најавата на кинеската влада дека нема да им дозволи на финансиските институции учество во трансакции поврзани со кирптовалути, ги обои криптоберзите во црвено и имаше многу загуби.
Објавата на Илон Маск дека Tesla автомобил нема да можете веќе да купувате со биткоини, ја фрли криптоберзата во дупка, а вложувачите во очај. За кратко време беа збришани милијарди долари. Иранскиот претседател Хасан Рухани најави дека неговата земја ќе забрани копање на биткоини и други криптовалути до 22 септември. Во последните неколку месеци во Иран се забележани недостатоци на електрична енергија во бројни градови во Иран, вклучувајќи го и Техеран, а една од причините е рударењето со криптовалути, процес со кој се трошат големи количини на струја.