Спецификации: Huawei MatePad Pro 12.6, MatePad 11 и MatePad Pro 10.8
Вчера Huawei официјално ги претстави новите модели на Huawei Watch 3 и Huawei MatePad таблетите. Подетално, Huawei MatePad Pro 12.6 доаѓа со голем 12.6-инчен OLED дисплеј, Kirin 9000E процесор и 8GB RAM + 128/256GB меморија. Батеријата има огромен капацитет од 10.050mAh, има тројна задна камера со 13MP главен сензор и 8MP селфи камера од предната страна.
Huawei MatePad 11 доаѓа со 10.95-инчен дисплеј со 120Hz екран и Qualcomm Snapdragon 865 процесор. Во неговите спецификации батеријата изнесува 7.250mAh со 22.5W брзо полнење, 6GB RAM + 64/128GB ROM меморија, една камера позади од 13MP и 8MP селфи камера.
Huawei MatePad Pro 10.8 (2021) доаѓа со 10.8-инчен дисплеј со 120Hz екран, Qualcomm Snapdragon 870 процесор и 8GB RAM + 128/256GB ROM меморија. Овде ја имаме истата батерија како MatePad 11 - 7250mAh, една задна камера од 13MP и 8MP селфи камера од предната страна.
Huawei заврши одлична работа со овие три модели на таблети, кои ќе бидат за сечиј вкус, и оние што сакаат поевтини уреди, како и оние што сакаат нешто екстра. Она што е најважно да се спомне е дека доаѓаат со сопствен оперативен систем HarmonyOS, за кого се очекува корисниците да го прифатат без проблем, со оглед на тоа што цените и перформансите на Huawei уредите се секогаш подобри од конкуренцијата.
