Galaxy Z Fold 3, Flip 3, и Galaxy Watch 4 ќе бидат откриени на почетокот на август

Објавено на 14.06.2021 во Новости



Galaxy Z Fold 3, Flip 3, и Galaxy Watch 4 ќе бидат откриени на почетокот на август

Samsung вообичаено го одржува Unpacked евентот во средината на август, за кога се очекуваат да излезат новите модели на: Galaxy Z Fold 3, Z Flip 3, Galaxy S21 FE, Galaxy Watch 4, и Galaxy Watch Active 4. Точната дата се уште не е официјално објавена, која најверојатно ќе ја добиеме во август. 

Ликстерот Макс Вејнбах тврди дека Galaxy Z Fold 3 и Z Flip 3 ќе бидат откриени заедно со Galaxy Watch 4 и Active Watch 4 на 3 август за време на Unpacked евентот. Galaxy Z Fold 3 и the Z Flip 3 започнуваат со испорака на 27 август, додека смартчасовниците на Samsung ќе излезат на 11 август. Z Fold 3 и Z Flip 3 ќе бидат опремени со Qualcomm Snapdragon 888 процесор, но нема да бидеме изненадени доколку Z Fold 3 пристигне со Snapdragon 888+ процесор. 

Fold 3 се очекува да има камера вградена под панелот, да дојде со S Pen и 120Hz екран. 

Z Flip 3 ќе има поголем дисплеј со 120Hz, а двата уреда ќе бидат поевтини од нивните претходници, што ќе биде отприлика за 20% поевтино. Z Fold 3 се очекува да биде $1,599, а Flip 3 $959.  

Автор: Aleksandar Stankov