Samsung Galaxy Watch 4 ќе дебитира на Unpacked евентот летово!

Објавено на 30.06.2021 во Новости



Samsung Galaxy Watch 4 ќе дебитира на Unpacked евентот летово!

Samsung официјално го претстави One UI Watch, не го најави Galaxy Watch 4 на MWC 2021 и се фокусираше само на софтверот. Како и да е, официјално го потврди смартчасовникот за следниот Unpacked евент, кој ќе се одржи на крајот на летото.

Samsung најави дека ќе го одржи Unpacked евентот на „крајот на летото“. Тогаш ќе презентира неколку продукти, вклучувајќи го „новиот Galaxy Watch” и "следниот Galaxy Watch". Јужнокорејскиот бренд ќе го објави следниот Samsung Galaxy Watch 4, за кого е објавено и видео на Twitter, кое што може да го погледнете на овој линк. Следната серија на смартчасовници ќе бидат со One UI Watch и Wear платформата што Samsung и Google ја направија заеднички за да ги заменат Tizen и Wear OS платформите. 

Samsung се уште не соопшти која дата ја одбрал, но се очекува наводно да биде 3 август. Samsung се очекува да ги претстави и безжичните слушалки Galaxy Buds 2, преклопните смартфони Galaxy Z Fold 3 и Galaxy Z Flip 3. Galaxy Note 21 се уште нема да биде пуштен.