Британската полиција со рекордно запленување на 294 милиони фунти во криптовалути

Британската полиција заплени рекордни 294 милиони фунти или 344 милиони евра во вредност од криптовалути. Акцијата била во склоп на истрагата за перење пари на криминални групи, кои што работеле со криптовалути.

Лондонската полиција објави прво во вторникот за запленување на 180 милиони фунти, а три недели претходно заплени 114 милиони фунти во непознати криптовалути. „Со развојот на дигиталните платформи, сведоци сме дека се повеќе криминалците користат криптовалути за да ги исперат своите валкани пари“, изјави шефот на лондонската полиција Грејам МекНалти. Во склоп на истрагата е уапсена дури и 39-годишна жена.