Се сеќавате ли на Nokia 6310? HMD ја откри 2021 верзијата
Претходно пишувавме дека HMD Global ги претстави XR20 и C30, но имаше и нов модел на 6310 класикот, кој беше класичен мобилен телефон во 2002 година. Nokia 6310 (2021) има колоритен и класичен телефонски дизајн, со нумеричка тастатура и копчиња.
Новиот 6310 има поголем и колоритен дисплеј со големина од 2.8 инчи и резолуција од 240 x 320 пиксели. Немате екран на допир, но имате FM радио. Новиот телефон има инсталирано Series 30+ платформа, во сопственост на Nokia, што значи дека нема да имате многу апликации, туку основните.
6310 под хауба има Unisoc 6531F процесор, што ви е доволен да сурфате кога не ја играте популарната игра Snake. HMD нуди 8MB RAM меморија и 16MB внатрешна меморија, но не грижете се, може да ја зголемите меморијата со картичка и до 32GB.
Од задната страна имате камера од 0.3MP и блиц, 3.5мм џек за слушалки, Wi-Fi, Bluetooth, и GPS конекција. 6310 има батерија од 1,150mAh, која според HMD Global може да издржи и неколку недели.
2021 Nokia 6310 ќе биде глобално достапен за цена од 40 евра, во три бои: темно зелена, жолта и црна.