Со вселенскиот интернет на Маск сурфаат веќе над 100 илјади луѓе
Објавено на 25.08.2021 во Новости
SpaceX досега во вселената лансираше над 1700 сателити на Starlink, а во иднина таа цифра ќе надмине 30 илјади. Паралелно со порастот на бројот на сателити во ниската орбита, расте и бројот на корисници со вселенски, односно сателитски интернет.
Илон Маск оваа недела се пофали на Twitter дека SpaceX испорачал над 100 илјади терминали за Starlink, што е зголемување од 10 илјади во последните три недели.
Starlink не е замислен како замена за класичните broadband и мобилен интернет, туку за оние што моментално немаат достапно брз интернет на најоддалечените и руралните подрачја.
Текстот не смее да се печати или емитува, во целина или во делови без договор со Telefoni.mk.
