Преднарачките за Samsung Galaxy Z Fold 3 и Flip 3 ги надминаа Note 20 и S21

Samsung потврди дека преднарачките за Galaxy Z Fold 3 и Flip 3 се во подем и најави барем 800 илјади преднарачки само од Јужна Кореја. Преднарачките со SAMSUNG Galaxy Z Fold 3 и Flip 3 се двојно поголеми од нарачките за S21 во Јужна Кореја. Samsung открива дека за Galaxy Z Fold 3 и Galaxy Z Flip 3 има побарувачка до овој момент за 920,000 парчиња, за само првите 7 дена, од 17 до 23 август!?

Galaxy Z Flip 3 од $999 е најпопуларниот модел во Јужна Кореја, кој има 70% учество во нарачките, односно 644,000 парчиња, додека Galaxy Z Fold 3 од $1,799 е со преостанатото учество во преднарачките. Бројот на преднарачки е навистина импресивен кога ќе се спореди со бројот на преднарачки со претходните предводници. Samsung тврди дека Fold 3 и Flip 3 на домашниот пазар се за 30% повисоки во споредба со минатогодишните за Galaxy Note 20 линијата.