Шок за корисниците на iPhone, измамник украл 100.000 фотографии од iCloud

Хао Куо Чи украл над 620 илјади приватни фотографии и видеа, со тоа што злоупотребил пропуст за пристап кон iCloud. Не користел никакви софистицирани хакерски методи, туку преку мејлот ги контактирал самите корисници на iCloud и се претставувал како сервис за корисници.

Тие не знаеле кој стои зад мејлот од корисничка поддршка, па затоа му ги праќале податоците што ги барал, кориснички имиња и лозинки за пристап кон нивниот iCloud. Тој се вклучувал кон профилите и ги преземал сите фотографии и видеа, при што се фокусирал на млади жени и нивните интимни слики.

На судот ја признал вината за пристап кон профилите на 306 жртви во САД и 200 жртви од други места. Тој се пофалил дека може да влезе во Apple iCloud и да ги украде сликите и видеата, поради што некои корисници го контактирале и му ги праќале сликите од личноста што ќе ја побарал. Обвинет е за четири казнени дела за неавторизиран пристап кон заштитени профили и за секое од тие дела му се заканува до 5 години затвор.